Këshilli Prokurorial i Kosovës ka shpallur konkurs për 18  prokurorë të shtetit.

Në Prokurorinë Themelore Prishtinë dhe në Prokurorinë e Gjilanit kërkohet nga një prokuror, në atë të Gjakovës  dy prokurorë, në Pejë  katër, në Prizren pesë dhe në Ferizaj pesë prokurorë.

Numri i këtyre prokurorëve sipas kryesuesit të KPK-së është bërë në bazë të një analize për nevojën e secilës prokurori , shkruan arbresh.info.

Gjatë kësaj mbledhje KPK aprovoj raportet vjetore të vitit 2015 dhe 2016,  raportin vjetor të Prokurorit të Shtetit si dhe raportin vjetor lidhur me buxhetin e vitit 2016.

Sipas raportit vjetor të Prokurorisë së Shtetit, gjatë vitit 2016 Prokuroria Speciale ka zgjedhur 33 raste të Krimeve të Luftës .

Në vitin 2016 janë liruar disa objekte të ozurpuara në vlerë prej 40 mijë euro dhe janë ngritur 8 aktakuza.

Sfidë kryesore e Prokurorit të Shtetit në vitin 2016 ishin ndryshimet në kornizën ligjore.

Buxheti i Prokurorit të Shtetit në vitin 2016 ishte mbi 8 milion euro.

Gjatë kësaj mbledhje u aprovua edhe Rregullorja për zgjedhjen e kryesuesit të zëvendës Kryesuesit të Këshillit. Pas kësaj kryesuesi ftoi të interesuarit për këtë pozitë që të konkurrojnë.

Po ashtu KPK- ja bëri të ditur se do t’i drejtohet presidentit për dorëheqjen e prokurorit Sefer Morina./Arbresh.info.